الأسئلة الشائعة

خطوات استلام شقة

1) تعرف على موعد إذا كانت العمارة التى بها شقتك نزلت استلام من خلال الجداول المعلن هنا أو على على الصفحة الرسمية لجهاز القاهرة الجديدة على فيسبوك.

2) التوجه إلى بنك الاسكان والتعمير فرع مدينة نصر في عباس العقاد

وموقعه:

https://goo.gl/maps/MpJbxwBx7YUTmAx96

على أن يكون معك:
- مبلغ دفعة الاستلام حسب مساحة شقتك.(مرفق جدول إسترشادى)
- بطاقة الرقم القومى سارية للزوج والزوجة
- إيصالات السداد السابقة.
- دفتر شيكات لا يقل عن 20 شيك من أي بنك في مصر.
بعد الإنتهاء من إجراءات البنك ستحصل على إخطار تسليم وحافظة بأرقام الشيكات

3) التوجه لجهاز القاهرة الجديدة

وموقعه:

https://maps.app.goo.gl/NxoRF4xP8SL8XTyv8
ستقدم لهم (الإخطار والحافظة ) ، وبعد إستكمال الإجراءات ستحصل على نموذج ( طلب استلام وحدة )

4) تتوجه إلى مكتب مقاول المشروع بموقع سكن مصر

وتقدم له (طلب استلام الوحدة) وبعد إستكمال بعض الإجراءات ، سيكلف مهندس أو مشرف لمرافقتك إلى الشقة لتسجيل الملاحظات ، وستعرف المهلة المخصصة لإنهاء تلك الملاحظات، وتتابع المقاول حتى ينهى الملاحظات ، وتستلم اصل وصورة من تقرير المعاينة.

5) التوجه مرة أخرى إلى مقر الجهاز

ومعك تقرير المعاينة لإنهاء إعتماد محضر الاستلام النهائي ( ولا تنسى تصويره 5 نسخ ) ويمكنك بموجب هذا المحضر التقدم بطلبات تركيب عدادات المياه والكهرباء والغاز والهاتف.

ملاحظات هامة:
أ) يفضل أن تسدد للبنك دفعة الإستلام كاش ، لأن الحل البديل هو عمل تحويل (ACH) من حسابك فى أى بنك لحساب شقتك في بنك الاسكان والتعمير فرع مدينة نصر (رقم حساب شقتك مسجل فى أى ايصال سداد وبيبدأ بـ 62.

ب) لا يشترط أن يكون دفتر الشيكات من بنك الإسكان والتعمير ، ويقبل من أي بنك ويشترط ألا يقل عن 20 شيك.

ج) لو لم تكن المالك الأصلى للشقة ، تأكد أن يكون معك جميع أصول التوكيلات المطلوبة ، ويمكنك مراجعة
المحامي بفرع البنك لإعتماد التوكيل ، ولو كانت الشيكات صادرة من بنك آخر غير الإسكان والتعمير قد يطلب

منك صحة توقيع من البنك المصدر للشيكات.
د) صورة العقد المرفق تضمن بند يؤكد أن للمالك نسبة فى الأرض.

هـ ) المبالغ الموضحة فى صورة الإيصال المرفق لا تتضمن رسوم تركيب أى عدادات
( ورسوم الغاز الموضحة عبارة عن نسبة مساهمة الملاك فى تنفيذ الشبكة العمومية بالموقع)

============================

رابط الاستعلام عن الوحدة

‏https://www.hdb-egy.com/check/?ui=49

 

طبقا للتجربة الشخصية اللي مريت بيها، دي خطوات استلام شقتك في مشروع سكن مصر بالنسبة للملاك اللي بدأوا عملية الاستلام ، جهز ورقتك و كوباية شاي واقرأ 😀

.

1- أولا ، هتعرف تاريخ استلامك امتي ، و تبدأ مشاويرك في الميعاد المخصص للعمارة بتاعتك ، ولو رحت بعدها مفيش مشكلة ، وده تقدر تعرفه من صفحة جهاز مدينة القاهرة الجديدة من هنا : https://bit.ly/3eHBzmp

.

2- مشوار (1) لـ بنك الاسكان والتعمير فرع مدينة نصر ، في عباس القعاد ، وده عنوانه https://goo.gl/maps/MpJbxwBx7YUTmAx96 ، هيكون معاك ايه ؟ هيكون معاك الاتي :

- مبلغ دفعة الاستلام واللي بيترواح من 95 حتي 99 الف ، بُناءً عي مساحة شقتك ، يعني هتشوف دفعة استلامك في الجدول ده https://ibb.co/CWRQdDs قد ايه وهتضيف عليهم متوسط 11 الف جنيه.

.

- بطاقتك سارية

- ايصال سابق من اللي دفعت بيهم قبل كدة عشان فيه بعض التفاصيل.

- دفتر شيكات لا يقل عن 20 شيك من أي بنك في مصر.

وهنا ييجي توضيح نقطتين ، النقطة الأولي وهي المبلغ ده ، لو معاك كاش يبقي خلاص تاخده وانت رايح البنك ، ولو معاك في البنك ف تقدر تروح البنك بتاعك وتقول لهم عايز أعمل تحويل داخلي بيسموه في البنوك (ACH) لبنك الاسكان والتعمير فرع مدينة نصر ، علي رقم حساب شقتك واللي موجود في البنك ، وده هتلاقيه أعلي ايصال الشقة واللي بيبدأ بـ 62 ، والتحويل ده بيتم خلال يوم ، وده اللي حصل معايا في البنك الاهلي المصري.

النقطة التانية الأزلية ، دفتر الشيكات ! اعمله في اي بنك مش هايفرق ، المهم تدور علي أسرع بنك يعمله ليك ، بس تأكد انه يبقي 20 او 24 عشان لو حصل مشكلة في اي شيك وانت بتكتبه داخل البنك ، وده دورك تسأل في البنوك عن مواعيد استلام الشيكات ، لو ما عندكش حساب جاري وبأكد تاني جاري ، يبقي لازم دلوقتي تعمل حساب جاري ، وتبدأ تعمل اجراءات دفتر الشيكات بتاعك .

- لو انت مش مالك أصيل وشاري بتوكيل ، لازم يكون معاك كل التوكيلات اللازمة سواء للادراة و التوقيع و توقيع الشيكات و دي مهمة جدا.

.

بعد ما يكون معاك دفتر الشيكات والبطاقة السارية ومبلغ دفعة الاستلام (ربنا يرزقنا جميعا يارب) ، تروح فرع بنك الاسكان والتعمير فرع مدينة نصر اللي عنوانه فوق.

وهم هناك هيخصلوا معاك كل حاجة ، وتعمل حسابك ان يومك ده ضايع يعني تاخده أجازة 😀😀 وأهم حاجة تاخد بالك منها اخطار التسليم وحافظة الشيكات.

.

3- مشوار(2) هتروح جهاز المدينة التابع ليها ، وفي حالة القاهرة الجديدة ، هتروح جهاز التجمع الثالث اللي عنوانه من هنا https://goo.gl/maps/cZUh8EYNTfEcKDkj7

وهناك هيكون معاك إخطار تسليم الوحدة من البنك ومعاك ورقة عليها ارقام الشيكات اللي انت ماضيها في البنك واللي اسمها حافظة شيكات ، وهناك الموظف هيبدأ معاك اجراءات التسليم ، هيعطيك ورقة تانية اسمها (طلب استلام وحدة) تروح بيها موقع شقتك.

.

4- مشوار (3) تروح ب ورقة (طلب استلام وحدة) لمهندس الموقع اللي متواجد في مكان شقتك ، و مهندس الموقع هيخصل لك بعض الاجراءات و هيسلمك ورقة تكتب فيها الملاحظات للشقة بتاعتك وهيكون مرافقك مهندس من الشركة المنفذة عشان تناقشه في الماحظات اللي هتشوفها ، وترجع بعد كدة لمهندس الموقع المسئول و يقولك هنخصل الملاحظات في وقت قد ايه !

.

5- مشوار (4) ثم بعد كدة ترجع مرة تانية للجهاز اللي كنت فيها وفي الحالة دي هو جهاز التجمع الثالث ، تخلص إجراءات لمحضر الاستلام النهائي ، وتدفع حوالي 60ج بس بالفيزا لانه واضح انه مفيش تحصيل ورقي هناك.

.

6- مشوار (5) ترجع بقة تفرح الست والدتك أو مراتك 😀 أو خطيبتك أو أختك أو صاحبك أو أي حد ، ماهو لازم حد يفرح بعد الليلة دي و النفخة دي كلها 😀

.

ملاحظات عامة:

- اسأل علي نظام كل بنك في موضوع دفتر الشيكات ، لان كل بنك وله نظام وفي ناس بتدفع في بنك اكتر من بنك تاني خالص ، وفي ودايع وشهادات و موضايع كتير ، ف اسأل في كذا بنك ويفضل تخليك في البنك الاهلي المصري وبنك مصر لانهم متعاونين بناء علي تجربة ، وليك كامل الحرية تعمل اللي انت عايزه في اي بنك آخر.

- اجراءت الغاز و الكهرباء والمياه ، دي بعد ما تخلص تماما المحضر النهائي وكذلك اجراءات تغيير البطاقة لو حابب.

- يفضل يكون معاك مهندس مدني تنفيذ وانت بتستلم عشان في حاجات فنية انت مش هتكون مدركها.

- انت بتتعامل مع جهات حكومية ، وفي رمضان ، وفي فترة كورونا ! ف خليك غلس عشان مصلحتك تخلص.

- اي ورق خلي معاك نسخة منه تصوير

- وانت بتسلتم ركز علي الكهربا والمياه وحلقان الابواب وسقية السيراميك و نضافة الوزر ، مالم يكن هناك ملاحظات كبيرة ومؤثرة.

- لو انت مش مالك أصيل وشاري بتوكيل ، لازم يكون معاك كل التوكيلات اللازمة سواء للادراة و التوقيع و توقيع الشيكات و دي مهمة جدا.

.

وفي الاخر أحب اشكر كل واحد من جيراننا في مسلسل 13 في التجمع ، علي كل اللي عملوه خلال السنتين اللي فاتو عشان المسلسل ده يتسلم ، مهما قلت والله مش هوفيكم حقم.

كل سنة وانتوا طيبين و رمضان كريم عليك جميعا يارب ، وربنا يسد عنا جميعا 🙏

اولا مبروك للجيران بدايه الاستلام وربنا ييسر الحال والمشروع كله يستلم
وياريت نعرف او بمجرد على توقيع محضر الاستلام فى العماره كده انت وافقت ان كل شى فى شقتك سليم واى مشكله هتحصل هتكون على مسئوليتك
عشان كده كتبت كام نصيحه للاستلام تساعد شويه
- بلاش تستعجل فى الاستلام مهما الموظف حاول يستعجلك ده حققققك
- بلاش تروح لوحدك خد معاك صنايعى او خد معاك اتنين صحابك يكونو بيفهمو وجدعان وبلاش تاخد الولاد او المدام
- بلاش بدل خليك بلبس عادى تتحرك براحتك اسهل
- وانت رايح حضرت شنطه فيها مفك صلبيه ومفك عادى وكالون للباب او قلب وشاحن موبيل او راديو صغير وزجاجه مياه ومقشه ناعمه وورقه وقلم
- اول ما تدخل افتح مياه الشقه كلها حوض المطبخ وحوض الحمام والدش وكله وسبهم
- ابتدى المعاينه من جوه الغرف اجسن عشان متتغلبطش وتنسى شى
- ادخل الاوضه الاولى افتح واقفل الباب وشوفه صح ولا لا وطبعا جربه من بره ومن جوه وبعدها على الشباك افتحه واقفله واتاكد انه مش منور عشان لو منور هيعدى هواء وبعدها جرب الانوار و فيش الكهراباء بالشحن او الراديو شغاله ولا لآ وبعدين لو الارض نضيفه شوفها كده متساويه ولا لآ ولو تقدر تمشى عليها برجلك عشان لو حاجه مش متثبته تحسها واحتمال تلاقى الارض متربه اوووى وده اسلوب ممكن يتعمل عشان يدراى عيوب الارضيه هوب هنا المقشه اللطيفه ونضف يا معلم وبعد ما تخلص الارض ازازه المياه وجرب تنزل مياه فى ماسوره صرف التكييف عشان لو مسدوده تعرف لو فى افى شى من مظبوط اكتبه ى الورقه وخش على الاوضه التانيه كرر اللى حصل والاوضه الثالثه ووكرر ولو فى شى اكتبه
- طبعا الطرقه والصاله نفس الكلام بس خلى بالك نشافه الارضيه هتفرق معاك اوى
- خش على المطبخ بقى طبعا تجرب الفيش زى ما عملت فى الغرف وجرب باب بلكونة المطبخ وشوفه فى نور ولا ولا والترابزين البكونه وحاله والاضائه شغال ولا وخش على السراميك الارضيه ممكن يبان بالعين لو فى حاجه طالعه او مش متثبته خد بالك منها ودايما بص على الركن او الاماكن الضيقه بتكون مش معموله كويس والحيطان نفس الكلام وطبعا انت سايب المياه شغاله من اول ما دخلت شوف فى نشع او تنقيط بقى ولا كله تمام واقفل محبس المياه وافتحه عشان لو مش شغال تعرف والحوض متثبت كويس ولا لآ
- بعدها خش على الحمام نفس اللى عملته فى المطبخ بس زود قعده الحمام بص حواليها وشغلها 5 ولا 10 مرات شوفها بتنقط ولا لآ وكابينه الشور شغلها واقفلها وشوف فى تسريب مياه ولا محكمه والباب اقفله وافتحه من بره و جوه وسيب مياه فى الارض شوفها هتخرج بره ولا هتفضل جوه خلص الحمام
- كده بقى فاضل باب الشقه شوفه واقفله وافتجه وزى ما قولنا من بره وجوه وجرب الترباس ووشفه بعينك فى كسر او شرخ لو كويس تمام
تستلم كده لا لسه انزل بقى شوف العماره من بره بص على شقتك عند المطبخ والحمام انت كنت فاتح المياه فتره شوف فى تسريب او نشع او بقعه ولا تمام
لو تمام توكل على الله واستلم لو لا اكتب كل الملاحظات بس فصلها ايه هى وفين بالظبط عشان تتعمل

------------------------------------------------------------
دلوقتي انت استملت العقد من البنك ايه الخطوات بعد كدا
اولا حاجه طالما استملت العقد.
تروح الجهاز
تكون مجهز معاك دوسيه بلاستيك.
وتصور اخر ورقتين ف العقد حوالي كدا 10 صوره
وتصور بطاقه الشخصية كدا حوالي كدا 20 صوره
الجهاز هيديك محضر استلام تصوره كدا 15 صوره
تتطلع من الجهاز للموقع الشقه هتلقي هناك مهندس تبع الجهاز يمضي ع محضر الاستلام وهياخد منك صورتين من محضر تروح تستلم شقه بتاعتك والف مبروك مقدما
عايز اقدم ع مياه والكهربا والغاز

#اولا مياااااااااه🔵
هتروح شركه المياه
طبعا لازم يكون معاك دوسيه ف كل اوراقك
اللي هما.....
اصل العقد + صور
اصل بطاقه + صور
اصل محضر + صور
هتروح شركه مياه هتدفع رسوم تقديم
350 جنيه..... دي المصاريف ورسوم
والعداد ب 550 يعني مصاريف كلها ف شركه ف 900 جنيه
لو هتقدم ع كهربا والغاز ف نفس اليوم
بتطلع الدور التااني ف شركه مياه هجيب مخلصه من شركه مياه وتطلع ع جهاز تطلع ع جهاز
هتروح خدمه المواطنين
نفس دوسيه بلاستيك بردك
عقد +محضر +صوره بطاقه
هتقدم ع كهربا 1350
والغاز 52 جنيه
بعد ما تقدم هجيلك رساله ع موبيل
ان تم قبول الطلب.هتروح شركه كهربا عند موكيت ماك
تستلم كارت الكهربا تتطلع ع شقه
تعرف كارت الكهربا ع العداد.
لازم يديك good
او مقبول ...... هتروح شركه كهربا تاني معلش هوه يوم تعب من أوله تشحن كارت الكهرباء من شركه نفسها ب 57 جنيه لازم لازم لازم لازم هيكون وصلين كهربا مختومين
كدا الحمد لله مشوار كهربا خلص
تطلع بوصلين مختومين من شركه كهربا. ع شركه الغاز
قدام قسم اول العاشر من رمضان
جمب فرع النساجون شقه ف عماره دور ارضي
هتقدم قسط ... مفيش دفع رسوم خالص
هتقدم كاش ب 2052
بس اهم حاجه نسيت أقولها
لما تشتري عداد ميه هحاول ع قد ما تقدر انك تاخد العداد وانتا ماشي عشان لو سبته ف شركه مندوب ممكن يتصل بيك ف اي وقت ويقولك انا جاي اركب عداد ميه دلوقتي وانتا ممكن تكون مشغول مش فاضي العداد ممكن يتسرق
واسف ع الاطاله
ويارب يكون افادت حضرتك
واانا موجود لاي استفسار
تحت امركم
#عماد_الدمرداشي
منقول من جروب الفيس بوك
بضيف بس علي الكلام. مخالصه المايه ب60ج تقريبا مبقاش في حاجه ببلاش.

ثانيا. ممكن تصور من كل ورقه 5 صور كفايه مش لازم 10 أو 15 ...أو حسب متحب.

ثالثا بالنسبة لدفتر الشيكات ( تم التعديل والاضافة وفقا للتعليقات)

🌺🌺_مطلوب دفتر شيكات من حساب جاري بإسم المالك فقط لا يقل عن ٢٠ شيك من اي بنك (وليس حساب توفير) ويكون جاهز معاك قبل الاستلام
_هتروح البنك ومع حضرتك ايصالات دفع الاقساط للشقة وتطلب فتح حساب جاري بشيكات
_يفضل البنوك الخاصة للناس اللي مش مسجلة وظيفة في البطاقة او تديهم كارنيه العمل
_بنك مصر دفعت 1500 جنيه لحساب جاري جديد وخدوا مني صورة ايصال دفع اي قسط
-الدفتر طلع ب 3 ايام وبعدها سحبت المبلغ كله من الحساب حوالي 1400 متبقية
البنك الاهلي نفس الكلام بس 500جنيه وتسحبهم بعد الدفتر
-البنك بيرفض في الاول ويقولك هتاخد الدفتر بعد 6 شهور. اطلع لمدير الفرع بأوراقك وصر علي كلامك😀
-الكلام دا ⁦☝️⁩افضل للمالك الاصلي
🌺🌺-اما الوكيل الافضل له الاتي
ياخد المالك بالورق دا⁦☝️⁩ ويخليه يفتح الحساب دا ⁦☝️⁩ ويعمله تفويض في البنك نفسه بالتوقيع علي الشيكات
وعند الاستلام الوكيل لازم بعد ما الشيكات تتكتب من موظف البنك هيطلب منه يجيب صحة توقيع علي الشيكات كلها شيك شيك وكل شيك له حساب منفصل لصحة التوقيع دي😂
او يجيب ورقة واحدة من البنك فيها أرقام الشيكات وانها صحيحة التوقيع بتكلفة شيك واحد

- او ان المشتري يجيب المالك يوقع علي الشيكات قدام الموظف ويريح دماغه
🌺🌺- الحل الاخر للمشتري عشان يهرب من صحة التوقيع
انه يخلي المالك يفتح حساب في بنك التعمير اي فرع مع وديعة سنتين حدودها من 5 الاف الي 20 الف حسب الفرع
ويعمل تفويض بنكي داخل الفرع عشان يمضي علي الشيكات بدون ما ينطلب منه صحة توقيع عند الاستلام
-🌺🌺وكمان عند الاستلام هينطلب مبلغ -1000جنيه تحت بند شيكات اجباري
و500جنيه تحت بند تحصيل شيكات
ولو حضرتك هتدفع الاقساط كاش
قول للموظف يشيل ال 500 جنيه
اما لو هما هيحصلوهم من حسابك اللي تبعه الشيكات فلازم هتدفع ال 500 مع ال 1000
🌺🌺🌺****معلومة اخيرة ****
بالنسبة للناس اللي اشترت فعلا وماعملتش توكيل في البنك والمالك رفض يجي تاني
في شخص كان بعت علي جروب واتس قال انه فتح حساب جاري باسم المالك واستلم دفتر الشيكات ووقع عليهم بتوكيل الشهري العقاري العادي اللي معاه بدون التوكيل البنكي
وقال ان موظف البنك طلب منه موافقة محامي البنك علي التوكيل عشان يفتحله حساب جاري باسم المالك ويوقع علي الشيكات
وفعلا المحامي مشكورا وافق
بس للعلم الكلام دا مسموح بيه في بنك الاسكان والتعمير فقط وكان فرع مدينة نصر
وهبعت نص محادثة الواتس وتوقيع محامي البنك عشان اللي حابب يستفسر من المشتري دا
🌺صحة التوقيع مطلوبة في حالة الوكيل وحساب خارج بنك التعمير فقط
🌺مرفق تعليمات بنك الاسكان
🌺المسؤل جنائيا عن الشيك هو من وقع عليه يعني المشتري
وفقا لتأكيد استاذ محمد روؤف مدير الشؤن القانونية بنك فيصل في التعليقات
🌺سواء عايز تكمل تمويل عقاري لازم هتعمل كل دا وبعدين تبقا تقدم طلب لما تستلم
الكاش دلوقت مفيش خصم 7%. الكلام دا كان بعد القرعة مباشرة اما دلوقت مفيش خصم نهائي

نعم، العمارات اللي نزلت استلام وصل لها مرافق، عدا الغاز والتليفون.